佢主動離開我個嘴：「你知吾知依個係我既初吻黎？」我好驚訝：「下…你未拍過拖架？仲有丫…我有幾樣野，我吾係好明架！你話等左好多年，即係你一直都鍾意我？但你點知我鍾意你？我無人講過架！」阿怡：「哈哈，你好多秘密我都知，只係你吾知我D野唧！你知吾知我其實成日去你屋企架？」我O哂嘴：「下？」阿怡不停咁笑：「我其實同你阿妹好Fd架，你阿妹一直都知道我好鍾意你，所以就成日俾我上你屋企，每次我去到你屋企，我都會偷偷走入你間房，睇下你本日記寫咩，直到有一日我見到你日記寫住「我近排我發覺喜歡左阿怡」見到依句我好開心，我知道我終於等到啦。
」我愈聽愈驚訝：「下…果篇日記三年前寫架喎！你……上左我屋企幾耐？」阿怡：「四年啦。
我差吾多每個星期都去一次，每次都會訓落你張床，然後讀你寫既日記！仲有丫，你無發覺你D校服同埋衫好直架咩？」我…：「…………下……原來……，仲以為係阿妹幫我熨添！」阿怡：「仲有一次，我入到你間房見到你電腦無熄，發現睇咸野無熄，后尾，我ChecK你history發現成日睇咸片，仲成日睇咸濕小說。
你個咸濕仔丫。
」我面都紅哂好尷尬：「下…對吾住。
但我都係吾明，既然你知道我喜歡你，你又喜歡我，點解吾一早同我講？」阿怡：「媽咪話女仔要有矜持，吾可以主動表白，如果吾係就吾矜貴架！ 其實我有俾機會你架，我成日去你鋪頭食野就係為左見你，我知你鍾意女仔著裙，我次次去見你都著裙！可惜你次次都吾敢點望我。
」依個時候我呆左係度，我心情吾知點形容，一方面又驚訝，好似俾人呃左好多年，估吾到，我女神原來成日黎我屋企，但我竟然全不知情。
另一方面，我開心到好似中左頭獎咁，原來我鍾意既女神，佢一直都鍾意我，仲要佢鍾意我多過我鍾意佢，仲一直係我身邊照顧我。
我好感動又內疚，忍吾住向佢講真心話：「其實以前你約我去街，我真係一點都吾稀罕，因為果陣我覺得你一D都吾靚，仲好煩，成日打俾我，好討厭，點知我無見你一排你180度大轉變，我又鍾意返你，我係咪好衰丫？」 依個時候我地兩個都眼有淚光。
阿怡：「你知吾知點解我鍾意你丫？」我：「吾知丫。
」阿怡：「由細到大，由幼稚園、小學、中學，我同你都同一間學校，細個既時候，無人同我玩，淨係得你肯同我玩，無人會陪我玩，得你一個吾會嫌棄我，我仲記得我同你玩結?遊戲，我做你新娘，就果日起我就要你做我日後既老公。
」阿怡愈講眼淚流得愈勁：「當然我知你朋友吾只我一個，到左中學你識既朋友愈來愈來愈多，開始小左陪我玩，到你識到第一個女朋友之後更加吾彩我。
由果日開始我就決定一定要搶番你番黎，我要減肥，我一定要靚過阿晴，我知你鍾意長頭髮就留長ｄ頭髮，我不斷將自己打扮到最靚，然後出現係你面前，等你會再留意番我。
」我聽完佢講既野，我吾知點應佢好丫，我淨係覺得我自己好衰，同埋我隻眼好吾聽話，係咁流眼淚。
我企起身攬住佢同佢講：「對吾住丫，我以後都吾會再吾同你玩，吾會再掉低你一個！好無？」阿怡一路抹眼淚一路講：「我知你一定吾會既！」（為何還喜歡我我這種無賴是話你蠢還是很偉大…）鈴聲響第四集-奇蹟出現真係夾都無咁岩，岩岩談完情，阿輝打黎搵我囉。
一收線，我就即刻拖住阿怡跑去燒烤場，跑左五分鍾，終於跑到，行到佢地面前，我同阿怡兩個人企係佢地面前係咁喘氣。
我喘住氣講：「吾好意思，遲左。
」但係佢地一聲都無聲，個個將焦點投放係阿怡，我再望一望阿怡，原來阿怡一路喘氣個波一路上下咁震。
我大叫：「喂！」佢地即係回哂神，阿輝：「係…偉哥，咁耐無見，坐埋黎我身邊丫。
」就係咁我就坐係阿輝既右邊，阿怡就坐左我右邊。
之後我地好開心咁燒野食，阿怡仲不停地喂我食野添！但同時間我留意到阿輝不停地望住阿怡隻腳，由於阿怡著超短裙，一坐底，基本上坐係佢對面連底褲都睇到。
但我都不時留意到在場有唔小女仔都望住阿輝，無計佢係當年係佢學校係校草。
阿輝：「偉哥，上次係電話又話無女朋友，你條女好正喎，教下我地點先溝到阿嫂咁既質素丫…」我望住我燒緊D雞翼話：「好容易唧，平時吾好昅人條女，個天就會識做架啦，送條女俾你架啦。
講完之後我啤住阿輝。
」阿怡就係隔離阻阻嘴笑。
阿輝好尷尬咁：「哈哈，偉哥真係識講笑。
」阿怡毛啦啦拍下我個膊頭：「老公，我想去toilet，陪我去丫。
」就係咁阿怡一句說話將好僵持既氣紛緩和番。
去到廁所，我係女廁門口等老婆仔。
依個時候係隱隱約約聽到一把男聲，好似就黎斷氣咁，我左望右望係度搵邊度傳出黎，行到男廁所門口，把聲愈來愈清楚啦「有無人丫，救命丫！」入到男廁，我見到個著住西裝既男人，大約四土幾歲，雙手流住血，個身唉住個牆坐係地下。
旁邊仲有兩個男人訓左地下，無哂氣息，應該斷左氣，地下仲有幾把刀。
我好驚吾知點做，我行埋去牆邊果個男人度，蹲係佢身邊話：「你點丫，不如我幫你叫白車丫！」佢右手好激動捉我隻手勐緊搖頭：「吾好丫，千其吾好報警丫，細路你一定要幫我丫！」我望住我隻左手成隻手都係佢D血，即場打哂冷震：「咁吾報警，我點幫你丫！」男人：「我部車係前面，你扶我出去部車度先。
」我：「但出面咁多人點扶丫，更何況宜家死左人丫，我點知你果ｄ人係咪你殺架？」男人：「你信我啦，我無殺人架，我係受害者黎架。
」我：「既然係咁，點解唔報得警丫？同差人講清楚一定無事架。
」男人好激動：「你唔明架啦，細路，我係黑社會大佬黎架，俾差人捉到，無罪都俾佢地屈到我地有事丫。
你明吾明丫？」我正想講野之際，佢已經好快速度係身上拎左手槍射住我心口。
我即刻好冷靜講：「得，無問題，叔叔，你冷靜ｄ，我一定會幫你，但你都要洗乾淨隻手ｄ血先，我扶你去洗手盤洗好先啦，好嗎？」男人聽到之後，收番埋把槍，俾我扶佢去洗手盤。
洗好之後，行到出去，見到阿怡。
阿怡：「老公，佢係邊個黎？」我：「老婆，唔好咁大聲，我救緊人丫，你吾好講野住，你跟住我就得啦。
」阿怡：「哦。
」我：「叔叔，你部車擺左係邊丫。
」男人：「直行再轉左就到，黑色寶馬，車牌MC88。
」行到停車場，終於搵到部車。
男人：「係我右邊褲袋有車匙。
」我：「哦。
」部車響左兩下，就解左鎖，我就開左後座位既門，扶叔叔入去坐。