好，再用Ok仔部機打番俾自己先，記底埋佢Number先，再刪埋D信息先！ 入左廁所成三土分鐘，阿媽實鬧死我，快D出番去。
當出到去我竟然見到Ok仔同我阿媽係收銀?度傾緊計。
阿媽見到我仲大嗌：「阿仔，過黎丫！。
」我即刻個心勁震，大獲俾佢知道左我係太子爺，我行到埋去見到ok仔，我吾敢望住佢，因為我又睇過佢手機D野宜家心虛。
阿媽：「阿仔，依位哥哥問你頭先有無汁過佢部手機喎？」我即刻係褲袋拎番佢部機出黎：「有丫，係咪依部丫？」Ok仔：「係啦，吾該哂。
」跟住行近埋我耳仔講：「原來你係太子仔，放心啦，你阿媽有個咁孝順既仔，我吾會打佢主意既。
包煙就請你食啦。
」我睇佢個樣真係吾似壞人，仲有小小正氣既感覺。
我應吾應該相佢好啦。
Ok仔望住阿媽：「吾該哂，May姐！走先。
」我心諗咁快連我阿媽個名都知！大獲，佢話吾會搞我阿媽，咁我岩岩Send左信息俾堅哥咪On9左！點算呢！ 阿媽：「喂…你做咩呆左係度丫？頭先果人同你講咩黎丫？」我：「下…無野丫，佢話見我咁老實下次介紹個靚女俾我喎！」阿媽：「就係咁，你就呆左係度？」我傻笑：「係丫…係丫…係喎，阿媽點解佢會知你個名既。
」阿媽：「哦，頭先佢黎搵部電話，但我地個個都話無見過，跟住佢又話頭先你幫佢埋單，你可能見過，但又搵你吾到，咪叫佢等陣囉，跟住咪同佢傾左陣閒計囉！」我：「咁佢問左D咩丫？」阿媽：「唉…d無聊野咋嘛。
無咩野，做咩丫你！」我好似扭計咁：「講啦，媽咪！」阿媽個樣好似好尷尬咁：「佢話我好靚女囉，又問我叫咩名，又問我平時有咩野做囉。
」我：「下…咁你點答丫？」阿媽：「哈，我咪照講囉！我一得閒就同D師奶打牌。
」我：「咁仲有無丫？」阿媽：「仲有既，佢話佢做咩DIC喎，我都未聽過！」我：「下？DIC？阿媽佢問你咁多野，你覺得佢係咪想溝你丫？」阿媽指住我個頭：「你係咪傻左，人地都知我仔都有埋，仲有丫，我大佢成差吾多土年！成日問埋D白痴野！」我：「哦…我返番去做野先啦。
」返到去水吧位，我不停地諗住堅哥D野，搞到我二粒鍾?沖錯左土杯野。
搞到阿媽走過黎鬧我：「你搞咩丫，衰仔！d客話杯凍奶茶有檸檬，你想搞到人地肚痾丫？咁大個人仲係度發夢！」我：「無丫，我吾小心咋，無下次！」阿媽：「唉…吾洗啦！你返去訓教啦！我叫發叔代你個位啦。
」我：「哦，知道。
」唉…我一返到屋企，機都無打，就訓落張床望住個天花板。
今日我真係做錯左，我吾Send個信息，ok仔可能真係會幫我架喎。
但係宜家我搞到堅哥非搞我阿媽不可咁！點算呢！諗諗下，我都訓著左。
來緊依個星期都無特別事，因為都無見過果兩條友再黎我間鋪。
我諗可能個Ok仔搞點左嚕！總之可以放鬆一下。
日日都係鋪頭，今日都吾例外，但係我打下打下機毛毛啦電話響。
我：「喂，講野！」阿輝：「阿偉丫，星期日得吾得丫？」我：「有咩野搞丫？」阿輝：「去白石燒烤丫，一齊啦，帶埋你條女一齊去啦。
」我：「下…我都無女喎，一係夜D再覆你啦。
」阿輝：「好！等你」我係度諗去吾去好呢？無女去好似好無面架喎！牙…試下打俾阿怡都好！ （差一些可一起，你與我那點距離，怎麽可以……）阿怡：「喂！」我：「halo，你估下我係邊個？」阿怡：「阿偉丫嘛，做咩事丫？」我：「依…咁醒既！」阿怡：「有來電顯示架！白痴！有咩事？」我：「無丫，想星期日約你去BBQ丫，賞面嗎？」阿怡：「星期日丫？應該得既！幾點先丫？」我：「應該夜晚啦！得嗎？」阿怡：「夜晚就一定得。
」我開心到爆：「好野，咁六點我黎接你啦！」阿怡：「譁…你洗吾洗咁開心丫？以前約你去街，你知吾知你點丫？你彩都吾彩我！」（唉…我又點會吾知丫，果陣我同佢都係土四歲，但果陣佢塊面又好包喎，頭髮又短，d膚色又偏黑喎，再加上我果陣又有女朋友，我又要點會諗到佢宜家變到瓜子面，頭髮留長左，d皮膚又白，隻眼又比以前大左，真係女大土八變。
）我：「吾好嬲啦，以前我怕丑嘛！」阿怡：「係咩？」我： 「嗯！真架！仲有丫，記得著靚D丫，吾好失禮我喎！」阿怡：「得啦！我要去補習啦，遲D再傾！」我：「嗯…拜拜！」我同佢無傾電話成年，估吾到一個電話，突然間我覺得同佢既距離拉近左好多。
好！打番俾阿輝話去先！ 就係無無聊聊終於到星期日啦，時間過得好慢，我係屋企不停對住塊鏡汁好個樣，終於等到六點啦！我即刻跑到阿怡屋企。
點知我一落樓阿怡就係我面前出現，佢今日著到好正丫，上身一件緊身黑色既T-shirt，下身一條白色既迷利裙！ 一見到我仲同我揮手「阿偉！）我好開心即刻跑過去：「你今日著得好靚丫，好掂丫。
」阿怡：「無失禮你丫可？」我：「無丫無丫，係我失禮你就真。
」阿怡：「咁你好好記住今日係11月11日，係我地兩個識左土八年既第一次去街！」我：「係！知道！四條煙，好易記。
咁我地去搭車囉！」去到白石場搵左好耐，都搵吾到阿輝！依個時候，我就同阿怡講：「不如過去海邊等囉！順便吹下海風囉！ 阿怡：「好丫，你話事啦！」到左海邊，我地搵左個無咩人既石駁坐，坐左落黎，我地兩個都無出聲，因為我想同佢表白，所以好緊張，依個時候除左聽到海聲，就只有我既心跳聲。
阿怡：「譁！你做咩個心跳得咁快？」我：「我……我呢……其實我鍾意左你好耐架啦！」阿怡：「嗯…係咩！咁點丫？」我即刻捉住佢隻手：「可吾可以俾次機會我丫？」阿怡：「好，無問題丫！」我：「真架？」阿怡：「除非你宜家跳落海，我咪答應你囉。
」我：「下…得！無問題。
」我即刻左腳跨左出海邊，右腳準備用力，成身人彈出去，身體已傾斜左成4 5度，我大叫（我黎啦），突然間阿怡左手用力拉住我右手，將我成個人拉番入黎，我重心失去左平衡即刻個人攬住阿怡將佢推左落地下，仲成個身體壓住佢，依個時候我除左Feel到我同阿怡心跳都跳得愈來愈快，我仲Feel到我個胸壓住佢個波，真係好舒服，好軟，我仲索到佢身體果陣味，真係好天然丫，點解佢無查到香水都咁香架！ 係我同阿怡雙眼互望之際，阿怡好溫柔地：「你係咪傻架，竟然真係跳！」我：「只要可以同你一起，跳海又算係咩，火山都願意跳！」阿怡：「傻瓜，你知吾知我等你依句等左好多年啦……」我正想講野之際，阿怡就咀左落黎啦，雖然只係咀對咀。